影片
更多
2022-02-15
1585 浏览
上次上到如心广场想食牛肉面但系发现好多人排队 呢间反而唔使排队 所以我地企左一阵就等到店员带领我地入去 值得一提系呢度嘅店员服务态度都好好 每次嗌佢地都好有礼貌同埋耐心咁 不过就比较忙碌🤣🥪巴马火腿水牛芝士拖鞋包三文治 配甜薯条💰138呢间义大利餐厅除左一般大路嘅西餐 仲有呢只意大利拖鞋包 我系见到好似唔油腻而且又有蕃薯条就嗌左 冇谂到原来系咁大份！盘上面摆左两大旧拖鞋包三文治 入面包左沙律菜 番茄 水牛芝士 同埋巴马火腿 个人真系好钟意巴马火腿嘅口感 肉质细腻又薄薄一片 连白色嘅脂肪部分都唔会觉得油腻 连著粉红嘅肉片一齐咀嚼就好享受！包身本身系偏硬嘅拖鞋包 会形容类似法包口感 所以mak大个口去食会整亲牙龈位 外表太脆太硬🤣但系内里又充分柔软嘅包口感 可以见到有小小牛油嘅颜色 但系完全系干身的！钟意健康嘅人士我会好推荐呢个！隔离沙律方面就有少有嘅无花果同埋细番茄 腌制过嘅菜 酸酸地都几开胃！蕃薯条份量都唔少 呢只系干身D嘅薯条 入面番薯蓉唔多 主要系提供左一个爽脆嘅口感 所以都会炸得干身而且偏油 不过唔甜都可以食🤣🍝香煎带子大虾 意大利榄油辣香蒜炒扁意面💰208（套餐）呢个lunch
上次上到如心广场想食牛肉面但系发现好多人排队 呢间反而唔使排队 所以我地企左一阵就等到店员带领我地入去 值得一提系呢度嘅店员服务态度都好好 每次嗌佢地都好有礼貌同埋耐心咁 不过就比较忙碌🤣
🥪巴马火腿水牛芝士拖鞋包三文治 配甜薯条
💰138
呢间义大利餐厅除左一般大路嘅西餐 仲有呢只意大利拖鞋包 我系见到好似唔油腻而且又有蕃薯条就嗌左 冇谂到原来系咁大份！
巴马火腿水牛芝士拖鞋包三文治 配甜薯条
$138
31 浏览
0 赞好
0 留言
盘上面摆左两大旧拖鞋包三文治 入面包左沙律菜 番茄 水牛芝士 同埋巴马火腿 个人真系好钟意巴马火腿嘅口感 肉质细腻又薄薄一片 连白色嘅脂肪部分都唔会觉得油腻 连著粉红嘅肉片一齐咀嚼就好享受！包身本身系偏硬嘅拖鞋包 会形容类似法包口感 所以mak大个口去食会整亲牙龈位 外表太脆太硬🤣但系内里又充分柔软嘅包口感 可以见到有小小牛油嘅颜色 但系完全系干身的！钟意健康嘅人士我会好推荐呢个！
隔离沙律方面就有少有嘅无花果同埋细番茄 腌制过嘅菜 酸酸地都几开胃！蕃薯条份量都唔少 呢只系干身D嘅薯条 入面番薯蓉唔多 主要系提供左一个爽脆嘅口感 所以都会炸得干身而且偏油 不过唔甜都可以食🤣
🍝香煎带子大虾 意大利榄油辣香蒜炒扁意面
💰208（套餐）
呢个lunch set包齐一个黑松露野菌忌廉汤 咖啡同埋精选蛋糕 汤口味比较重 个人不太喜欢太咸嘅汤😿但系咖啡就有配一个迷你草莓挞 挞身曲奇皮好脆 又有浸软左嘅芝士脆饼口感 草莓下面系炼奶 甜到入心😍
意粉我地等左好耐 份量都偏系 可以话系一叉嘅份量🤣但系虾同带子都好新鲜大只 而且炒意面嘅辣味都好突出 店员会问定可唔可以食辣 不过呢只我谂都算系意大利嘅「辣」啦🤣整体口味都偏重 但系由于系用左榄油所以都会较油🥲
香煎带子大虾 意大利榄油辣香蒜炒扁意面
$208
33 浏览
0 赞好
0 留言
🥧蛋白柠檬挞
（跟套餐）
呢个就系我地自己拣嘅精选蛋糕 单买要$52 所以觉得套餐真系好正😍外表嘅焦脆蛋白应该系攞火枪炙烧过嘅棉花糖 口感黏黏地润滑 入面系新鲜嘅蓝莓酱 冇劣质嘅糖酱味 配上我最钟意嘅曲奇挞皮加上两个人都食到嘅份量 呢间甜品真系非常出色！
蛋白柠檬挞
97 浏览
0 赞好
0 留言
正餐来讲其实会系正宗嘅意大利餐 相对外面嘅一般意粉 呢间会多左D意大利包同埋意大利饭 但系选择方面未算太多 甜品就真系多不胜数 食过几次蛋糕都好满足 份量同味道成正比 推荐大家买做甜品食 或者试下佢嘅下午茶 享受慢悠悠嘅下午！
📌Pasticceria Giovanni Pina 1920 (如心广场) (荃湾)
荃湾杨屋道8号如心广场一期1楼109-111号舖
张贴
