轉角‧見

营业中

休息中

荃湾真系好多野食，点解咁讲，因为我乱咁行都会揾到好多野食，但好唔好食又真系要试试啦。系荃丰中心行去荃昌中心大几8分钟就到，都无谂过有咩食，行行下见到有间类似All Day Breakfast既cafe餐厅。见到间都比较多人排队，等左差不多25分钟先入座，同埋餐厅有户外座位，适合食烟既人士，不过呢啲天气都可能比较热啲啦。望望meun点选左「芝士蘑菇汉堡$48」、「转角特选早餐$79」、「可乐特饮$25」。「芝士蘑菇汉堡」系有汉堡牛扒、蕃茄、芝士、蘑菇、炒洋葱、沙律菜既配料而成。材料都几丰富嫁，牛扒唔会独靭，都几juicy，味道适中，好入味。推荐大家去点选呢个黎食！「转角特选早餐」整个餐有美式炒蛋、德国芝士及蒜蓉肠、美式烟肉、焗蕃茄、炒蘑菇、烟三文鱼及蒜香法包。炒蛋好滑，德国芝士及蒜蓉肠几好食，同埋都煎得几香口。美式烟肉就有少少咸，焗蕃茄就麻麻地钟意，炒蘑菇好食，烟三文鱼几好有心思卷成花咁，蒜香法包好香蒜香味。「可乐特饮」系可乐上面加一球云妮那雪糕，其实简单黎讲即系黑牛！不过买饮品就会送薯条一客，咁都几抵既，薯条又炸得香口够热，好好味，份量都适中。