老馮茶居 (荃灣千色匯II)

📍 老冯茶居🗓️ 1 July 2023久唔久就想去饮茶食点心，虽然荃湾食点心嘅地方好多，不过环境靓，嘢又好食嘅我一定系会谂起呢间！老冯茶居系行怀旧路线，啲装修好有心思同时呢到好多点心都好有特色。我哋今次四人叫咗十个点心/饭，非常满足。分别系鲜虾腐皮卷、咸水角、流沙芋泥包、鲜虾肠、 XO酱萝卜糕、沙嗲金钱肚、豉汁蒸凤爪、姜葱牛柏叶、小笼包同埋梅菜肉饼饭。我发现呢到嘅炸嘢好出色，咸水角皮唔会好厚，好食。而腐皮卷外层好脆，而入面嘅虾好大只，仲要好弹牙，我有被惊艳到！流沙芋泥包喺出面唔常见，入面仲有芋头粒，不过如果有多啲馅就好了。同埋唔知系咪放咗一阵先食，感受唔到流沙嘅效果。XO酱萝卜糕非常好食！我认为系今餐最难忘！炸到外脆内软，就算放耐咗个皮都仲系脆而唔系硬嘅。又够味又够香口，我下次一定会再叫！所有点心热辣辣，饭都系即叫即蒸，我下次想试下金沙米皇肠、千层糕同金牌炸芋角。不过记得要有心理准备要等位，如果两点几三点左右就会比较少人。