牛極 (大河道) (已結業)

今日收工特登约咗朋友去食荃湾铁牛嘅热石烧牛扒，好耐未食过啦！店内天花板放左好多把日本嘅和纸遮，超有日本味道，简而清嘅设计。 舖面地方呈长条型，枱与枱之间都有一定嘅距离，感觉舒服。即使成间舖头嘅人都食紧石烧，都唔会烟雾离漫，攻到成间餐厅都系。 一间店有三部冷气，所以抽风系统好好。一入到去，就自行去自动贩卖机买自己喜欢嘅牛品种烧。 我哋叫咗180g 重嘅牛柳（$115），然后就可以去店中间自助任拎，日本饭、牛尾汤同埋椰菜丝沙律。 一上枱，有一张抹手纸盖住热辣辣嘅牛柳，防止弹到客人同送菜出来嘅店员。 石烧温度超高，牛柳亦非常有牛味，冇筋、肉质脂肪比较平均，口感非常嫩口，弹牙。 用石头烧嘅好处，系可以自行烧到啱自己嘅熟度，同令牛肉温度keep 住高温，食牛最紧热，冻咗冇咁好食。 喺枱上面，仲有三枝调味料（有盐、蒜片同胡椒）俾你加落旧牛肉上烧。