Kafulin Gallery (已結業)

睇我既头象就知道，我好钟意草泥马，无意中发现原来湾仔有间雪糕店，以草泥马为主题，好多草泥马既布置，咁当然要黎朝圣啦。间舖细细间，坐位及企位只有几个，但设计好靓好精致，睇见店主两人默默经营打理呢间小店，有种幸福感。叫左个应该系长期期间限定既草泥马芭菲，南美藜麦草泥马曲奇超可爱，但食落有d痴牙，用糖整成既绿色草棚好有心思，雪糕有牛奶同抹茶混搭，状态唔易溶，保持口感，牛奶奶香不算太浓，抹茶味较突出，最底下有脆米，够脆唔淋。餐厅位置都几静，但平日夜晚都有唔少熟客黎食，可见雪糕水准都唔错，又靓又大杯，几抵食。