影片
更多
2019-01-22
571 浏览
今日同朋友去The One睇戏，买完飞距离入场仲有成2个钟，于是就黎high 个tea，揾个地方坐下倾阵计，再上去。LIFETASTIC 个「草莓西瓜蛋糕」好出名，其实都想试好耐，黎到望到门口个排蛋糕咁精致，真系吸引死人，更加要试呀！蛋糕款式多，全部gluten free，用打碎杏仁粉代替面粉，比较健康。系唔知拣边款嘅时候，比我地发现左佢有个Cake Set for Two($248)，可以拣四款蛋糕同两杯饮品，价钱仲好吸引，紧系叫佢啦，试多款呀嘛！我地一人点左各一件草莓西瓜蛋糕，再加一件栗子蛋糕同芒果热情果蛋糕。黎到卖相吸引，当然相机食先啦。 「草莓西瓜蛋糕」顶层系一层士多啤梨啫喱，铺满玫瑰花瓣，甜甜地，花香味重。中间夹层系杏仁碎加上香甜嘅玫瑰cream，再配上厚厚西瓜，呢个组合好特别，清新香甜。口感食落有西瓜嘅爽，又有蛋糕软软感觉，好丰富。同埋西瓜好甜，职员话系马来西亚西瓜，先保持到一年四季都咁好质素，难怪可以成为餐厅主打。「栗子蛋糕」简简单单，由栗子蓉、鲜忌廉同杏仁组成。同西瓜蛋糕相比，呢口感就黎得比较creamy。栗子蓉打得好滑，唔会过甜，中间夹有原粒栗子，口感有软有硬，比较丰
今日同朋友去The One睇戏，买完飞距离入场仲有成2个钟，于是就黎high 个tea，揾个地方坐下倾阵计，再上去。LIFETASTIC 个「草莓西瓜蛋糕」好出名，其实都想试好耐，黎到望到门口个排蛋糕咁精致，真系吸引死人，更加要试呀！
蛋糕款式多，全部gluten free，用打碎杏仁粉代替面粉，比较健康。系唔知拣边款嘅时候，比我地发现左佢有个Cake Set for Two($248)，可以拣四款蛋糕同两杯饮品，价钱仲好吸引，紧系叫佢啦，试多款呀嘛！
我地一人点左各一件草莓西瓜蛋糕，再加一件栗子蛋糕同芒果热情果蛋糕。黎到卖相吸引，当然相机食先啦。
草莓西瓜蛋糕
20 浏览
0 赞好
0 留言
「草莓西瓜蛋糕」
顶层系一层士多啤梨啫喱，铺满玫瑰花瓣，甜甜地，花香味重。中间夹层系杏仁碎加上香甜嘅玫瑰cream，再配上厚厚西瓜，呢个组合好特别，清新香甜。口感食落有西瓜嘅爽，又有蛋糕软软感觉，好丰富。同埋西瓜好甜，职员话系马来西亚西瓜，先保持到一年四季都咁好质素，难怪可以成为餐厅主打。
栗子蛋糕
76 浏览
0 赞好
0 留言
「栗子蛋糕」
简简单单，由栗子蓉、鲜忌廉同杏仁组成。同西瓜蛋糕相比，呢口感就黎得比较creamy。栗子蓉打得好滑，唔会过甜，中间夹有原粒栗子，口感有软有硬，比较丰富，唔想食太甜嘅朋友好适合。
芒果热情果蛋糕
32 浏览
0 赞好
0 留言
「芒果热情果蛋糕」
因为朋友系芒果控，所以点左呢款蛋糕，本以为佢会好甜，估唔到热情果夹层嘅微酸，又配搭得几恰当，有热带风情嘅感觉，非常滋味。
英伦伯爵茶
20 浏览
0 赞好
0 留言
最后我地点左「EARL GREY 英伦伯爵茶」，淡淡清香，同蛋糕好夹，一齐食更能突显蛋糕的美，亦能解解甜腻。
总括而言，呢个tea set 只系单点2件蛋糕同2杯饮品嘅价钱，但就足足有4件蛋糕，性价比高，2个人high tea 岩晒呀。环境亦坐得好舒服，可以系度优闲咁轻轻过个下午，慢慢享受。
张贴
