茶木‧台式休閒餐廳 (屯門市廣場1期)

营业中

休息中

茶木系我一直都帮衬开嘅餐厅，因为佢价钱合理味道都好唔错，同埋装修各方面都算系中上水平，今日嚟到屯门行街，都系会选择茶木解决晚饭。每次嚟茶木都必点一个草莓吐司砖。佢上边有个草莓雪糕球，外边又有好多草莓，睇个外型以为距系几块完整吐司垫住嘅，但系原来个中间系空嘅，中间填满左切好既一块块细细块嘅吐司砖，好方便入口， 一块吐司砖点一下雪糕球，唔甜腻，好match。呢个三杯鸡炆得好入味，配料唔算特别多，鸡好多，好抵食。经典嘅香辣牛肉面，牛肉炆得好腍，入面仲有大块嘅萝卜，同样好入味，佢啲面好烟韧，好大碗。鸭血旺又麻又香，份量好足。呢个鲜果茶入边嘅果品都比较多，最钟意食个菠萝，比较甜，可能成杯茶嘅甜味就来自呢个菠萝。黑糖奶茶都不过不失，所以总体来讲，茶木呢间餐厅系真系又抵食又好食。