Paper & Coffee (已結業)

试过新校嘅hell can 同 aab can 之后，唔敢喺BU 食嘢，直到哩间开左。之前有食过东广场veggle cafe 觉得唔错，老细又过左黎哩边整素食，就想试下。上次食啱啱开左冇耐，食唔到burger，今日终于都食到。虽然唔系最想食嘅米汉堡，但哩个素鱼牛油果汉堡都唔错。佢个汉堡系上下分开摆，有趣地，素鱼牛油果酱𠮶边系咸同少少辣，另一边系甜，一次过满足两个愿望。另外可以拣配一款沙律或者炸蕃薯条。我拣左羽衣甘蓝配红菜头，因为听讲好有营养😂另外买左鲜奶抹茶，我见个牌应该可以配合素食者转做燕麦奶，但我只系见澳洲山火，想食下素，唔系真素食者，所以由佢😜 抹茶鲜奶一路饮都feel 到好幼嘅抹茶粉，唔识品评，但我钟意，同埋冇加糖，唔会甜👍🏼对上一次试左招牌炸鸡同焙茶。炸鸡外脆内嫩有肉汁，又唔会厚粉，正👍🏼 焙茶系冻饮，一大旧完整嘅冰所以食完嘢先饮都唔会融好快沟淡晒。同埋每一啖都有茶香喺口🤤 下次想试埋五大素球🤤