荔園茶餐廳 (已結業)

朋友系外国返黎两个月，咁耐冇见，自然要约出黎聚下，咁啱最近我地嘅童年回忆-荔园开左茶餐厅，一于就去试下。入到去嘅感觉就系好温暖，天花板用左米色嘅小灯泡，好似以前挂系摊位果啲咁，再加上木马公仔同墙上面嘅挂画，令餐厅舒适得黎不失之前嘅味道。由于系下午茶时间，我同朋友都只系叫左小食，我叫嘅粒粒西多，好香脆，糖浆份量亦都啱啱好，最特别嘅系西多入面冇花生酱，入口冇咁腻，对女士黎讲亦都冇咁guilty〜至于我朋友就叫左个招牌鸡脾沙律，以前荔园最多人食就系鸡脾，但宜家呢只都好食，但已经唔同左。味道方面，鸡皮炸得好脆，唔会有阵油系面，鸡肉方面，冇乜雪味，亦有肉汁，十分抵食。最后仲叫左一杯有得自己落手整嘅菠萝冰，食完上面两样炸野之后饮落去好舒服，新鲜菠萝搭住雪碧亦几好味，饮住佢黎倾计十分适合。临走嘅时候影左张相，系荔园嘅旧地图。见到嘅时候都几感触，因为唔觉唔觉荔园已经消失左二十年，我都已经唔再系细路女，而我又要唔知等几耐先可以再见我个朋友……荔园由乐园变左茶餐厅，不过一直冇变嘅就系荔园依然系见朋友嘅好地方。