影片
更多
2017-07-20
174 浏览
今年系荔园关闭后嘅第二十年，呢二十年系无论系香港定系我都变左好多，我就由比人带去荔园变左带人去荔园茶餐厅，至于香港，唔讲啦。一去到门口已经有只老虎仔系到，不过变左纯白色，小朋友都话要同佢影相。入到去就有返块老虎仔屏风，天花板仲有几只木马同以前摊位挂住嘅灯胆仔，墙上边仲挂左一啲画呀，以前荔园嘅地图等等嘅野系到，系同期望中嘅荔园有啲唔同嘅，但简单啲都好嘅，始终系餐厅，唔系主题公园。荔园讲野食嘅话应该都非鸡髀莫属，但老婆话鸡髀已经好热气，唔准比小朋友食薯角，咁唯有食沙律啦。之后再叫左照烧牛肉杂菜炒乌冬、法式焗芝士白菌忌廉石班鱼柳饭（个名好长……）同埋老婆最中意嘅”煎Pan”粒粒西多士。呢到几样野最好食固然系鸡髀，又大只，炸到松脆之余肉汁又多，啖啖肉，不负我二十年黎嘅思念。同碟嘅沙律我唔系十分有兴趣，但试左一啖，黑醋嘅味道都几好，菜亦唔错。焗鱼饭卖相好吸引，芝士汁好好味，饭亦有炒底，但有啲湿，而作为主角嘅鱼唔会太实，亦唔会散晒，亦唔系冇味嘅急冻鱼柳，总括黎讲几好食。而牛肉炒乌冬亦好有镬气，上面嘅青椒同红椒嘅颜色好丰富之余，亦炒得几好食，乌冬几有质感，唔会太淋，牛肉肉味十足，但系配料同乌冬比例有
一去到门口已经有只老虎仔系到，不过变左纯白色，小朋友都话要同佢影相。入到去就有返块老虎仔屏风，天花板仲有几只木马同以前摊位挂住嘅灯胆仔，墙上边仲挂左一啲画呀，以前荔园嘅地图等等嘅野系到，系同期望中嘅荔园有啲唔同嘅，但简单啲都好嘅，始终系餐厅，唔系主题公园。
荔园讲野食嘅话应该都非鸡髀莫属，但老婆话鸡髀已经好热气，唔准比小朋友食薯角，咁唯有食沙律啦。之后再叫左照烧牛肉杂菜炒乌冬、法式焗芝士白菌忌廉石班鱼柳饭（个名好长……）同埋老婆最中意嘅”煎Pan”粒粒西多士。
呢到几样野最好食固然系鸡髀，又大只，炸到松脆之余肉汁又多，啖啖肉，不负我二十年黎嘅思念。同碟嘅沙律我唔系十分有兴趣，但试左一啖，黑醋嘅味道都几好，菜亦唔错。
焗鱼饭卖相好吸引，芝士汁好好味，饭亦有炒底，但有啲湿，而作为主角嘅鱼唔会太实，亦唔会散晒，亦唔系冇味嘅急冻鱼柳，总括黎讲几好食。而牛肉炒乌冬亦好有镬气，上面嘅青椒同红椒嘅颜色好丰富之余，亦炒得几好食，乌冬几有质感，唔会太淋，牛肉肉味十足，但系配料同乌冬比例有啲失衡，两个细路每人食啲就冇左大半，反而系净返好多椒。
至于西多，我老婆话好食，因为冇花生酱，而且好脆，但系我觉得花生酱就系西多嘅灵魂所在，个壳几靓几好食都冇用，冇灵魂就系唔掂。
特别一提个菠萝冰，有得自己落手整，比小朋友玩就啱晒，而且甜甜地啱佢地饮，所以可以一试。
张贴
