喜喜中國廚房 (已結業)

前排睇到佢d广告, 心谂荔枝柴烧味系咪真系会有荔枝味嘅呢,结果把心一横去试吓.平日去真系好宁静i like it,我地两个人全部叫哂荔枝柴烧味,包括烧鹅半只,叉烧例牌同烧腩仔例牌,我一向都好钟意食烧味,所以呢餐啱哂我.首先试咗个烧腩仔先,经理同我地讲佢地系用新鲜腩仔烧嘅,又真系几好味㖞,一层肥一层肉,块皮都几脆,不枉我特登入嚟屯门.至于个叉烧真系好重好重果木香味,半肥廋叉正.食完呢度d叉烧我过两日又食但系真系差好远,唉大济,以后我点算.讲埋个烧鹅先,佢地系分开个汁上,我不嬲都唔系咁钟意d食物浸满哂汁,呢度真系好细心.不过只烧鹅皮真系唔够脆,肉就好有味好滑,但系就无乜果木香味,呢样野佢地真系要改善,希望我地下次再嚟嘅时候会再好d喇.食哂所有食物之后我可以好肯定一样野,就系荔枝柴烧味系唔会真系有荔枝味嘅.仲有呢度d装修都几靓,有卡位添,都几特别.