Catio (已結業)

今日去咗D2 Place行街，行到攰攰地想揾个地方叉叉电，揾到附近呢间餐厅几多人推介仲有🐈🐈作伴咁有趣就同朋友去试下。餐厅虽然位于工业中心但环境宽躺、干净企理而且布置用心，周围放满有趣嘅猫猫挂画仲有好多驻场猫猫，一入去就有种好放松嘅感觉。收费为💲60一位一个钟包一杯饮品，饮品选择众多：有唔同口味嘅☕️🍵咖啡、朱古力、茶类等。餐厅嘅食品选择都唔少：有多款小食、Pizza、意粉、甜品等。我哋叫咗Rose Chocolate + Iced Latte + 小食拼盘（💲128），小食拼盘有炸鱼条、炸鱿鱼、蜜糖鸡翼、洋葱圈、香肠、薯条及沙律，即叫即做热辣辣，两杯饮品制作用心有水准。💁🏻‍♀️呢度嘅猫猫只只都好乖，望住佢地懒懒闲嘅样都会觉得特别轻松。餐厅环境舒适，收费合理，饮品食品质素都唔错，得闲会再嚟放松吓。