連文記冰室

营业中

休息中

公司附近都好多嘢食，但系就未嚟过呢一间连文记，听同事讲呢间米线鸡汤好出名，所以就趁机去试吓。呢间平时都要排队㗎，好彩𠮶日我哋好早就去到唔使等位。由于天气突然间凉咗，又唔想谂食乜，所以就接受咗同事嘅提议，试咗佢哋嘅招牌花胶鸡米线。我见同枱嘅人都好多叫花胶鸡米线实冇死落咗order唔系好耐，碗米线就好快送上嚟。果然系有午市特色，快靓正！ 碗米线大大碗，有两块好大嘅花胶，同埋都几多鸡件。汤底有阵阵鸡汤香味，饮落口好滑好顺唔错唔错。可能平时食开𠮶啲都系酸辣米线，呢一碗我觉得非常清新又顺口，好好味。花胶大大块，充满骨胶原，真系对女士嚟讲冇得顶啦。虽然佢系鸡汤，但系啲鸡食落去系滑嘅一d都唔鞋！ 加分！