台站 (已結業)

前排黎过荔枝角食野介绍过一啲餐厅，今次再黎荔枝角就拣左呢个台式小店台站。台站舖位细细，一系立食，一系就外卖买走拎番屋企食。今日黎到台站，见价钱唔贵就叫左好几样野: 肉燥饭配鸡扒，酥炸鱿鱼须，酥炸芝麻鸡翼，盐酥鸡，肉松蛋卷饼，皮蛋豆腐同埋红油抄手。我地买左外买番去食，埋单百几蚊左右。番到去打开先食几样炸野，小惊喜系买完返到屋企都20分钟以上既时间，啲炸野都重系咁脆，唔会淋哂。盐酥鸡一盒廿几蚊，系我等外卖既时候系最多人叫既，果然唔会令人生主，松脆可口，size啱啱好放入口，鸡肉十足。炸鱿鱼须同样炸粉唔厚，食落脆口美味。炸芝麻鸡翼系值得一提既菜式，一打开盒鸡翼有一种好奇怪既咪传出黎，系有啲似九份既臭豆腐味，我相信未必个个人接受到，不过如果钟意食，你应该会喜欢。肉松蛋卷饼几好味，足料又有蛋味。红油抄手细细粒，我觉得可以再重味啲。最后肉燥饭可以拣配4样野，我就拣左鸡扒，以20几蚊一盒饭黎计，都算系好实惠。