餃掂快線

夏天无胃口除左饭面，有时会想食下饺子。荔枝角附近都有几间饺子，除左传统嘅韭菜、白菜，呢间比较多新派口味，更加系蔡澜曾经介绍过嘅名店，以松茸饺最出名。虽然呢度用快餐店模式营运，但味道唔差过其他分店。装修龙凤松茸汤饺 （12只 ）$138 松茸饺系呢度嘅招牌产品，龙凤松茸饺就系松茸饺嘅基础上面加埋黑白松露，菇香更浓，但唔会有黑松露太浓烈嘅电油味，味道恰到好处。同行友人平时觉得太浓，唔钟意呢种配搭，都好钟意呢款饺子。汤饺会跟一个状元九鼎汤，饮落无咩味精味，系用心煲嘅感觉。香煎软心芝士煎饺（10只）$69 煎饺皮脆馅靓，咬一啖系有奶香、牛油香嘅粟米猪肉，第一下以为自己食紧粟米饺。之后慢慢食到熔左嘅芝士，呢度嘅芝士唔会拉丝，系类似酱咁嘅。不过配饺子，系好适合。粟米煎饺（10只）$61 都系粟米馅，无芝士，只有粟米同猪肉，就会比较清甜。煎饺皮脆馅靓，食多啲都无负担。自家制山楂雪梨水 （杯）冷 $20 材料有山楂片、雪梨、甘草、冰糖、麦芽……酸酸甜甜，好舒服开胃唔会腻，就完全系家常嘅感觉。蜜柠薏米水（杯）冷 $20 柠檬薏米水去湿，甜酸足够，觉得清新。值得一提嘅系，呢度用蜂蜜，取代砂糖，感觉更健康。