台站 (已結業)

经过见到黄店，同朋友都觉得一定要帮衬下，一入去就见到贴住好多手足写嘅Memo，好warm，好有爱同埋真系好抵食呀！$29就食到一个饭，而且系大大盒㗎。我同朋友每人都叫咗一个饭。我就叫左个怀旧卤肉饭配猪软骨，带翻屋企嘅时候，就算未打开都已经闻到好香。一打开，真系好大盒，啲饭淋满晒卤肉汁，所以食落唔会dry！同埋啲猪软骨切开咗细细块，食落都好方便，真系好细心呀！另外，我朋友话，呢个古早鲁肉饭系色香味俱全！哈哈！我即刻试左佢两啖，觉得卤肉嘅份量都几多又抵食，而且粒粒都系肥瘦适中，食落唔会觉得肥腻，连我本身唔中意食任何肥肉嘅人都觉得几好。正呀！我地仲叫左个小食一齐share黎食tim 呀！就系呢个台式肉松蛋卷饼啦！一打开，就见到好多肉松，入面仲有芝士、鸡蛋。全部都系我钟意食嘅馅料，推荐比大家试下。