Pizza Piazza

营业中

休息中

今日嚟到呢边食lunch，依间餐厅门外摆放Menu俾客人睇，佢嘅午餐都好吸引，就选择咗依间喇。在餐厅外面望入去因为下午玻璃反光睇得唔清楚，原来入去之后座位坐得好舒适。佢嘅椅有垫，坐得舒服。另外佢装修同埋格局感觉干净简洁，星期六下午有路少客人，亦都见到有外国人光顾。本来被门口嘅burger广告吸引左先，但慢慢望吓餐牌嘅选择好多,特别系佢有好多唔同款式嘅薄饼。最后我选择咗招牌至尊薄饼set lunch😊首先上餐汤，系西兰花蓉汤。呢款汤比较少饮，入口粒粒蔬菜，感觉健康。拼上牛油及餐包，够热，外皮有少少似法包嘅脆硬，但味道系麦香味重，小小咸，好味。之后就到呢个招牌至尊Pizza！佢系薄底Pizza，饼底够硬脆, 及有面粉香味。馅料分布亦都好均匀同埋好足够，我平时好少食橄榄，但系呢度嘅橄榄都好容易入口，配合埋火腿、菠萝、蕃茄、芝士等等一齐食，味道好夹。跟餐另外加水牛城鸡翼，味道系香辣酸酸地，鸡翼好入味，鸡肉好滑。餐饮我选择左果汁梳打，西柚味。真果汁味，甜度适中，带少少西柚嘅苦涩，好清新！呢度食物质素唔错，侍应态度友善，地点都几方便，荔枝角地铁站行过嚟几分钟。下次可以考虑约朋友出嚟依度食饭倾计。