The Americano By Texas Burger (已結業)

难得有几日连假，同朋友去荔枝角D2 Place行街，再嚟Americano食个晚餐。食过呢间工厦既唔同餐厅，普遍质素都唔差，不过价钱就好大差距，今次嚟食呢间晚餐连加一大约每人$200内，都唔算太贵。跟餐可以拣是日餐汤或者沙律，沙律中规中距，而今日既餐汤系番茄汤。龙虾尾红椒坚果酱墨汁义大利面虾肉偏韧，不过都几大旧，食到啖啖肉。德洲烧烤牛肉汉堡煎香过既面包外面微脆入面松软，牛肉配埋芝士都相当唔错。薯条粗幼度适中，份量好多，点埋茄汁就更juicy。焗美国有机鸡胸配巴马火腿薄脆略嫌个鸡胸有啲鞋，唔够嫩滑，拌少少酱汁食会好。中间有块薄脆，一齐食的话口感更突出。底层系芋泥蓉，同平时既薯蓉唔一样，口感都几别。