相馬日式火鍋 荔枝角

营业中

休息中

话说，上次去D2 Place行完街，食完KOOL酷厨，行去地铁站途中见到仼食180分钟嘅火锅店。哗！三个钟真系可以食到揽住𠮶肚，所以我哋就决定嚟试一试！呢到有六款汤底拣，包括：清汤、甜豉油、蕃茄、豚骨、中华辣汤同泡菜。大家仲可以额外加钱叫牛汤、牛肠锅同加芝士。我哋拣咗甜豉油同中华辣汤，一甜一辣，味道丰富。晚市火锅放题HK$168起，有唔同肉款畀大家拣，包括：美国进口牛肉，美国顶级牛肉、美国顶级牛小排同特上澳洲和牛。今次，我哋拣咗咗每人HK$288嘅美国顶级牛小排。美国顶级牛小排脂肪分布平均，唔会太肥，啱啱好。肉质好腍，牛味浓郁，正！豚肉+滑鸡件除咗自选嘅牛肉外，仲有豚肉同滑鸡件。豚肉切得薄薄一块，好香猪味；鸡件好厚肉，入口嫩滑。火锅配料自助吧大量火锅配料，有大量丸类、菇类、蔬菜、冬瓜、萝卜、乌冬等，真系花多眼乱，总有一样啱你。未完，仲有饮品同雪糕仼饮仼食，真系好满足。