金拇指米線 (福至工業大廈)

营业中

休息中

今日去左个朋友屋企附近食野，谂住平食佢就带左我黎呢间工厦饭堂。我嗌左重庆酸辣肉碎汤米线，个价钱包左一个$5既𩠌，再嗌其他就加钱，咁我叫左腩肉、鸡扒同肥牛。虽然腩肉唔系我平时食开个只，但都整得唔错，肥瘦适中口感嫩，鸡扒就正正常常，渗入左少少汤底既味，将鸡扒既味道加添左一点酸辣，而肥牛有d肥肉令到d肉唔"韧"，整体黎讲来好满意，特别系个汤底，可以选择微辣亦不失重庆风味。日式鳗鱼饭第一个比我既感觉系好多汁好大条鳗鱼，个汁都甜同juicy，但如果小d可能更好，可以品尝到更多鳗鱼原本既味道，不过酱汁既味道亦都融入鳗鱼中。佢有配埋面豉汤同饮品。下午茶既鳗鱼饭好似会减$2，成间餐厅好大好多位，d野食整体上都系比较平，食物质素又唔差，绝对可以成日黎。