潮食地

营业中

休息中

今日lunch time 放饭同同事唔知食乜好，见到有间茶餐厅望落去好似几正就入左去试吓。入面环境都企理干净，坐位都阔落唔会坐到好迫。 职员即使喺lunch time 咁忙都唔会催你落单，同埋都好有礼貌，上菜速度又快，好适合啲想食个快饭嘅打工仔。葱油猪扒蛋饭猪扒煎得好好同腌得好入味, 猪扒好淋无筋, 猪扒食落去都冇雪藏味, 配埋煎蛋嘅蛋黄汁同好香嘅葱油非常送饭。滑蛋虾仁饭滑蛋虾仁饭嘅滑蛋份量好多，只蛋煮得唔会太熟，食落去好嫩滑，食到中段都唔会变到好鞋口，虾仁份量都好多，唔会得几只，配合埋豉油送饭真系好鬼正。热奶茶，热柠水热奶茶够香够滑系水准以上！热柠水佢哋用靓柠檬，浸耐咗都唔会有涩味，虽然系好基本嘅嘢饮，但系都唔系好多茶餐厅做到呢个水准。