大尚宮

营业中

休息中

今日同朋友仔去荔枝角行街街，行到饿饿地就去food court度揾下野食，发现呢间大份又抵食既韩国菜，埋单好似先200几，食到超级饱😙❀熔岩泡菜炒饭❀好多紫菜+泡菜，如果芝士再多少少，相信拉芝效果更出，不过68蚊黎讲算系唔错，个饭份量几多，建议2个人share。❀部队锅❀大大份先88蚊，用料丰富，有豆腐、猪肉块、金针菇、午餐肉、肠仔、冬菇、泡菜同埋公仔面，好香辣食到好过瘾，公仔面仲要好吸汁，邪恶到爆😣❀滋味炸鸡半份❀呢度炸鸡唔系炸鸡块，而系一旧旧鸡件连骨咁炸，面头销满大量紫菜+洒上芝麻，炸鸡香脆可口又juicy 😋❀饮品❀加5蚊就有一枝，食到饱饱地饮下茶消滞。