Chill Vietnam Cuisine and Bar

营业中

休息中

呢一晚谂唔到食乜，去咗屋企附近嘅D2商场，发现左一间新开嘅越南菜，就决定行入去试下。餐厅装修风格走文青风格，座位宽敞舒适，新开张事业期间免收加一，都几抵食。两个人叫左三碟𩠌，分别系炙烧虎虾鲜芒米纸卷，白夏酸子鲜鱼窝同家乡烧猪腩肉伴檬。个人比较推荐炙烧虎虾鲜芒米纸卷同家乡烧猪腩肉伴檬，前者用料充足，虎虾够新鲜，爽口弹牙，而且食到炙烧嘅果一种焦香味，芒果鲜甜多汁，再加上其他配菜，令个米纸卷食落好清新，后者连一个石锅上菜，令个汤可以保持温度一段时间，而且调味好好，食到越南菜果种酸甜清新嘅味道，猪腩肉多而不腻，可能都有烧过下有种焦香嘅味道。总计两个人卖单$294，免收加一之下都几抵食，不过呢个系新张优惠，唔知会做几耐。