御名園

营业中

休息中

开在茘枝角碧海蓝天楼下的高质酒楼「御名园」对附近居民黎讲唔洗行出区外就有间咁高质嘅酒楼，真系好方便，饮茶食饭超级就脚，而且侍应态度超级好，令我呢个黎探朋友有跨区人士羡慕得流晒口水！真心希望自己屋企楼下都开返间分店！今日同朋友蒸咗条鱼，清蒸沙巴斑，超级新鲜嫩滑！熟度正合适，鱼肉紧实细腻，淋上豉油，非常好味！不得不赞佢哋今日炖汤—雪莲果椰皇炖竹丝鸡汤鲜香滋润！远远就闻到椰子香味，亦十分足料，竹丝鸡啖啖肉，十分滋补！黑豚叉烧皇，卖相讨好，味道比想像中质素仲高，表层蜜糖好易入口，肉质软冧入味，份量都算满足。瑶柱蛋白炒饭，大大一碟，有好多瑶柱，非常足料，份量都比出面其他餐厅多，饭粒够爽口。豆鼓鲮鱼油麦菜，食返个菜，营养均衡，卖相不出，入口爽脆。点咗个松化脆蛋散，炸至金黄色，入口处化。