幸腹滿屋日本料理 (已結業)

去左荔枝角批发广场行街，大家都想食日本野，发现左一间新开既餐厅，就一于去试下。餐厅好易揾，地铁站一出过条马路行几步就到，门口有幅日本门帘。餐厅格局好新净，大约有9-10张4人枱，座位之间宽敞，坐低之后就点菜，除左刺身，寿司，热食，炸物重有串烧，款式非常多元化。每人各点左一个刺身饭，珍宝鱼生饭$180....三款刺身各有4大片，每块刺物都大大块够新鲜，日本米沾上醋，分量都不少，食完都饱左7,8成，值得一赞是芥末系即磨，辣度十足。三色鱼生饭$168.....同珍宝个款唔同在于，带子转左为吞拿鱼，都系一式4片，我偷食左一旧吞拿鱼来食，味道都非常唔错。忌廉蟹肉饼$58/2件...外皮炸得刚好，内层香滑忌廉薯蓉混合蟹肉，两者味道非常夹，呢款饼大推，因为刚刚炸起，食个阵最好等一阵，叹冻少少先食。明太子玉子烧$68...玉子中间有好多明太子，要好小心夹起，明太子有少许咸，玉子煎得很嫩滑,味道混合起来不错。鳗鱼柳川煮$90...第一次听既菜式，上枱时都好特别，系用一个铁锅器皿上，鳗鱼加入洋葱和鸡蛋煮成，煮法似滑蛋猪排丼。