影片
更多
2023-02-28
130 浏览
忙碌既2月终于过左，3月份同屋企人食餐好既，知佢地钟意食中菜，一于同佢地去荔枝角既御名园食海鲜餐啦，平日晚市有多款组合优惠，仲有我地最钟意食既龙虾伊面，超丰富🌟御膳养生炖靓汤 万寿果南北杏炖鸽皇 ($33.8/位)八年陈皮炖水鸭 ($43.8/位)平时工作太忙无时间煲老火汤，见到佢地有炖汤仲要做紧优惠当然要试下啦，两款炖汤超足料，仲有化痰止咳既功效，呢排转天气有几声咳，最适合饮返碗炖汤滋润下🌟润烧石岐乳鸽 ($55/只)妈妈最钟意食乳鸽，知佢好耐无食乳鸽系时候孝敬下佢，乳鸽皮煎到香脆，肉质鲜嫩又juicy，正🌟金蒜银丝蒸鲜元贝 ($38/只)我地全家都好钟意食海鲜，佢地既海鲜都做紧优惠，$38一只真系超抵，平过自己系街市买料返屋企加工，元贝鲜甜又厚肉，配埋粉丝一齐蒸超好味🌟头抽煎焗老虎虾 ($48/只)虎虾超大只，摆盘卖相够哂吸引，虾肉爽口弹牙，配埋甜甜地既酱油，够哂惹味🌟生猛西澳洲龙虾 (金汤焗伊面底) ($438)佢地既龙虾伊面都做紧特价，用既仲要系新鲜西澳龙虾，每只大概有1斤4两，连埋伊面份量都唔少，啖啖肉煮到刚刚好，依然保持弹牙鲜味，必试推介🌟晚市组合: 金蒜银丝蒸空运蛏子 拼
忙碌既2月终于过左，3月份同屋企人食餐好既，知佢地钟意食中菜，一于同佢地去荔枝角既御名园食海鲜餐啦，平日晚市有多款组合优惠，仲有我地最钟意食既龙虾伊面，超丰富
🌟御膳养生炖靓汤
万寿果南北杏炖鸽皇 ($33.8/位)
八年陈皮炖水鸭 ($43.8/位)
平时工作太忙无时间煲老火汤，见到佢地有炖汤仲要做紧优惠当然要试下啦，两款炖汤超足料，仲有化痰止咳既功效，呢排转天气有几声咳，最适合饮返碗炖汤滋润下
🌟润烧石岐乳鸽 ($55/只)
妈妈最钟意食乳鸽，知佢好耐无食乳鸽系时候孝敬下佢，乳鸽皮煎到香脆，肉质鲜嫩又juicy，正
🌟金蒜银丝蒸鲜元贝 ($38/只)
我地全家都好钟意食海鲜，佢地既海鲜都做紧优惠，$38一只真系超抵，平过自己系街市买料返屋企加工，元贝鲜甜又厚肉，配埋粉丝一齐蒸超好味
🌟头抽煎焗老虎虾 ($48/只)
虎虾超大只，摆盘卖相够哂吸引，虾肉爽口弹牙，配埋甜甜地既酱油，够哂惹味
🌟生猛西澳洲龙虾 (金汤焗伊面底) ($438)
佢地既龙虾伊面都做紧特价，用既仲要系新鲜西澳龙虾，每只大概有1斤4两，连埋伊面份量都唔少，啖啖肉煮到刚刚好，依然保持弹牙鲜味，必试推介
🌟晚市组合: 金蒜银丝蒸空运蛏子 拼 鲜菠萝咕噜肉 ($228/份)
如果想食小菜的话佢地都有晚市组合优惠，我地今日就叫左金蒜银丝蒸蛏子，今日啲蛏子好新鲜，口感爽弹，菠萝咕噜肉份量都几多，炸到脆卜卜，酸酸甜甜特别开胃
🌟XO酱碧翠炒兰花蚌 ($98)
最后叫左个XO酱碧翠炒兰花蚌，辣辣地都几惹味
张贴
