金拇指米線 (福至工業大廈)

营业中

休息中

今日朋友係荔枝角返工，我咁岩附近，打比佢約食午餐，我問朋友附近有咩好食？ 朋友話不如食金拇指，啲米線湯底不錯，野食又多野選擇，咁樣我們決定去食。間餐廳係要行幾級樓梯，入到去就是自己叫完野食比哂錢，攞住個票仔去取餐處,我們搵位坐低，最好是佢有叫號碼，唔洗企係到等，聽到自己號碼去取餐，我同朋友一人叫左一個米線，朋友叫左一個噴火麻辣湯底，微辣，生菜，蘿蔔，豬扒 呢個鐘意辣朋友好岩，朋友話話好辣，食到成身汗，冷氣差少少，唔夠凍。我自己叫酸辣湯底，微辣 菜心 雞翼 豬頸肉 唔係好辣，但是個湯底好味 好似飲緊喇沙 有花生味，不錯👍🏻 下次我可以叫下少辣，微辣無咩辣，朋友話想食薯條 見到有一個薯條， 炸雞脾， 沙律 餐好抵食 因為外面雞脾 多數是薯條同沙律 二選一 呢到係兩樣都有，薯條仲要係粗身，好喜歡，而沙律我同朋友以為係西芹 紅蘿蔔個啲，點知係雜果，幾好食。