小念頭 (億利工業中心)

营业中

休息中

晏昼同朋友食完铁板烧夜晚想揾间可以食埋甜品既系社交平台揾到呢间见蛋糕好吸引就嚟试下我地叫左个日式柚子鸡扒配日本米饭、面豉汤$122~饮品加$10拣左冻既黑糖奶盖铁观音少冰，加$38咖啡酒烤芝士蛋糕鸡扒份量十足，鸡扒好juicy，配柚子酱汁＆柚子肉，好清新。底下成碗沙律菜，今餐营养均衡。日本米饭粒粒分明，好有咬口，细食既女士一个餐两份，加埋蛋糕好够饱。黑糖奶盖铁观音：奶盖唔太甜铁观音茶味浓，呢个配搭唔错。咖啡酒烤芝士蛋糕：芝士蛋糕系软心芝士，我钟意既口感，饼皮少少脆口，食得出有酒香，好有层次。朋友再加杯热饮同蛋糕热玫瑰杞子桂圆$30一倒出嚟已经闻到好香玫瑰花味，饮落甜甜地，成个人暖晒好养生。铁观音芝士蛋糕$46第一层铁观音cream十分浓郁，铁观音jelly都唔错，芝士口感比较实，亦都系我朋友喜欢既口感，大家都叫中自己心头好。环境座位都十分宽敞，好啱同朋友食完吹下水，店员们亦好nice，下次会想嚟试埋其他蛋糕。