太興 (峻峰花園) (已結業)

年三十同妈咪食团年饭，近近地去太兴，本来想做节叫只鸡，但实在冷气太冻，所以转呔打算叫热菜。荔芋油鸭煲 ~$68 👍😊超赞好推介，通常呢味𩠌一系整得太咸，一系啲腊鸭又太淡，好少好似呢间太兴啲咁恰到好处，实属难得👍👍而且啲汁好香腊鸭味，腊鸭方面系腊鸭肶，旧旧都可以食，(有啲餐厅可能只得骨或皮)，呢个价钱有呢个质素系抵，即所谓性价比高。😊😊北菇豆腐青衣鱼块煲 $79 🆗炸鱼块比较多粉，有旧直程无鱼肉，味道一般，我如果再去会再叫荔芋油鸭煲，呢个就唔会再叫，会试其他。冷气真系好冻，坐得唔系太舒服。