盈福小廚 (已結業)

姨妈们约好周六下午落铜锣湾湿平，大姨丈就提议早少少喺附近间佢觉得唔错o既「盈福小厨」度食小菜作晏，仲预埋小肥两兄弟份添。餐店o既竹架门面至梁上o既灯笼吊饰，四周o既装备都极富中国色彩。门外展出多页餐牌及彩图推介项目供食客参阅。姨丈一早订咗张大枱，一行九人一到步即有位坐。经理哥哥非常落力好客，埋位开茶时亦不忘介绍超值o既八人及十人午市套餐。长辈应推介点咗个十人小菜套餐，$968包有无添加老火靓汤、原只盈福招牌瑶柱浸鸡、自选八款指定小菜、白饭及甜品，单睇价格已觉抵。此外，仲加点咗几款前菜小食黎分。香橙鲜准山（$45）：橙味准山前菜清新开胃，配搭新颖讨好。金砖脆豆腐（$48）：炸至金黄o既豆腐粒外脆内嫩滑，简单伴上炸蒜粒已够惹味。鸡丝拌粉皮（$48）：鸡丝粉皮香润甜美，同样味佳。十人小菜套餐之无添加老火靓汤：老火汤足料火喉够，清甜浓郁且不油腻，大家都觉得好有惊喜。十人小菜套餐之家乡榄豉骨：榄豉骨香口带甜。十人小菜套餐之香煎蚵仔蛋：蛋蛋煎得够干巧，入面o既蚵仔更加系肥嘟嘟、滑lut lut，掂呀！十人小菜套餐之菜芯炒手切牛肉：鲜绿色o既菜芯咬落真系好卜卜脆，手切牛肉亦炒得好软腍，家常小菜确真好