The Dutch House Restaurant

营业中

休息中

喺香港虽然好多菜系都食倒，但荷兰菜真系好似未听过有。听朋友讲尖咀开左间餐厅食荷兰菜，当然要黎试下。餐厅店面唔算大，不过座位都好松动。餐厅其中一边有一整列玻璃，可以睇倒成个尖沙咀街景。为左配合荷兰主题，店内都摆放左多幅梵高嘅仿画。Dutch House走中价路线，小食、前菜、沙律、汤、主菜、意粉同甜品都有供应，因为佢地嘅份量都比较大，所以如果人少，除左散叫，仲可以拣佢嘅套餐，可以试多几款野。Hertog Jan Dutch Stout ($98) - 据侍应介绍，哩度嘅大厨除左喺荷兰生活左好多年之外，佢仲系一个品酒师，所以哩度嘅红白酒都特别多选择，另外仲有清酒、日本同荷兰啤酒。我地就试左哩款荷兰啤酒，麦味唔会太重，都算易入口。因为人少，所以我地就点左佢个六道菜厨师发办($988/人)。荷兰香肠拼荷兰炸肉丸 - 荷兰香肠系用鸡肉同猪肉混合而成，上面再放左洋葱，食落唔会太咸。而荷兰炸肉丸系荷兰当地一道好普遍嘅菜式，佢系用左牛骨汤煮出黎嘅丸再蘸炸浆炸，上面嘅系芥末酱，炸浆香脆唔会太厚，中间嘅牛骨汤馅好creamy味道亦浓郁。荷兰希灵鱼 - 荷兰因为系沿海国家，所以佢嘅菜式都会见倒好多唔同嘅鱼。