莆田 (美麗華廣場2期) (已結業)

今日同男朋友揾野食嘅时候，见到莆田举办紧红菇节，我哋对啲菇类都几有兴趣，而且个炖鸡汤好似都几吸引，就入左去喇。净系睇呢个莆田10醉嘅menu都已经够吸引！<虾苗拌头水紫菜，$52>首先有个前菜，呢个水紫菜酸酸地几开胃几好食。<百秒黄花鱼，$69>呢个黄花鱼整得好滑，而且本身条鱼都好新鲜，食落又鲜甜又滑！<红菇炖土鸡，$198>今日嘅主角，红菇炖土鸡！一放底已经有阵阵嘅鸡汤香味。饮落个汤好清，不过略嫌咸左少少。<酥炒芋芯，$89>芋芯由糖浆包住拎去炒，所以个皮脆脆地，而芋头好粉，一咬落去外面脆得嚟又有少少黐入面就好粉，都几好食。