8cm Coffee (已結業)

陪朋友去左元朗放狗，经过哩间西餐厅，朋友熟悉地将狗狗绑好，便叫店员预备两份晚餐，哩度环境都几干净又安静，系露天坐位坐一边食一边可以叹住迎面而来的自然微风，好舒服。头盘：火龙果配黑醋沙律，蔬菜新鲜加埋面包粒系当中，爽脆有口感。汤：香草忌廉南瓜汤，用咖啡杯装住，感觉有点法式，忌廉汤非常结身，毕起黎仲见到南瓜肉，厨师放埋面包粒落去令到饮既时候更有口感。主菜1：香煎盲𫚧鱼配芒果莎莎，盲𫚧鱼煎得好香，鱼下面放左鲜肉茄和BB露笋，完全吸收哂盲𫚧鱼所流出黎既鱼油味道，所以食落充满鱼味，朋友不断赞叹美味，盲𫚧鱼肉质嫩滑，配埋用彩椒和芒果酱特别制成的芒果莎莎食，更加美味。主菜2：意式蒜片辣椒榄油虎被扁意粉，两只虎虾占据整个碟面，好大只，食落肉质弹牙，扁意粉煮得口感刚刚好，唔会太琳或太硬，意粉吸收哂辣椒既辣味，所以食落都几够辣。配埋杯英式红茶，为今晚晚餐划上句号。补充一点，好多时食西餐最怕食完返到屋企会好口渴，要饮大量既水先制止到，但哩间餐厅完无哩个情况。