影片
更多
2021-05-02
672 浏览
早排烧卖随住社交平台烧卖关注组嘅掘起而再次喺香港卷起一阵热潮，当中被大力推介嘅又点少得呢间位于大埔嘅老虎岩。对老一辈嘅人嚟讲，老虎岩呢个名字应该绝对唔陌生，因为佢正正就系现今乐富嘅前称。而呢间野之所以叫做老虎岩，就系因为老板想承接父亲喺老虎岩徙置区嘅旧面舖，所以呢个招牌可以话系好有历史。值得一提嘅系呢间店舖宜家系六点后无堂食，所以仍然维持两人一枱规例。入到去每张枱上面都会有个QR Code，扫一扫就可以系网上落单，但有样唔好嘅系load个网站嘅时间会有啲耐，所以你可以选择打佢个电话落单。今日嚟之前已经食咗个早餐，所以唔系叫咗好多野。虽然系咁，等上菜嘅时间都有啲长，各位可能就要俾啲耐性喇。自创黑松露云吞 ($37)餐牌上面呢个黑松露云吞写住系限量供应，好好彩今日有幸食到。一碗共有六粒，对唔系好肚饿嘅我哋嚟讲，一人三粒就啱啱好。每粒虽然唔系好大，但一啖就可以食到浓浓嘅黑松露味，配合埋洒喺上面嘅虾子成个口感好丰富。可能由于系人手包嘅关系，有几粒咬落去有唔实净嘅感觉，水准一致性方面有待改善。竉茜烧卖 ($14)呢度嘅驰名烧卖有蒸有炸，亦有普通味同芫茜味任君选择。我同同行朋友虽然都怕肥，但一场嚟
值得一提嘅系呢间店舖宜家系六点后无堂食，所以仍然维持两人一枱规例。入到去每张枱上面都会有个QR Code，扫一扫就可以系网上落单，但有样唔好嘅系load个网站嘅时间会有啲耐，所以你可以选择打佢个电话落单。今日嚟之前已经食咗个早餐，所以唔系叫咗好多野。虽然系咁，等上菜嘅时间都有啲长，各位可能就要俾啲耐性喇。
自创黑松露云吞 ($37)
餐牌上面呢个黑松露云吞写住系限量供应，好好彩今日有幸食到。一碗共有六粒，对唔系好肚饿嘅我哋嚟讲，一人三粒就啱啱好。每粒虽然唔系好大，但一啖就可以食到浓浓嘅黑松露味，配合埋洒喺上面嘅虾子成个口感好丰富。可能由于系人手包嘅关系，有几粒咬落去有唔实净嘅感觉，水准一致性方面有待改善。
竉茜烧卖 ($14)
呢度嘅驰名烧卖有蒸有炸，亦有普通味同芫茜味任君选择。我同同行朋友虽然都怕肥，但一场嚟到无理由唔一人一客嘅。一客有四粒，加上每粒都好大粒，所以对我哋女仔嚟讲其实已经好够饱。呢个烧卖比平常出众嘅地方在于肉味够肉质亦够好，食落去有好满足嘅感觉。但可能因为事前期望实在太高，个人觉得佢芫茜味唔突出，试唔出芫茜同烧卖究竟系咪真系咁夹。同埋烧卖皮比较多油，容易令人有食腻嘅感觉。烧卖整体嚟讲虽然达唔到令人哗一声嘅程度，但依然值得一试，如果芫茜可以更加入味，相信会更上一层楼。
虽然真实水准同原本期望有少少落差，但如果你未试过又途经附近嘅，仍然可以嚟试下，顺便支持下小店吖嘛！
店舖其实仲有啲生料例如烧卖同埋丸类可以买，好适合大家夜晚煮饭加𩠌或者屋企打边炉用㗎。价钱方面，用呢区嘅物价嚟讲会有少少贵，但如果你好似我咁只系嚟食少少嘢就还算可接受。
自创黑松露云吞
$37
29 浏览
0 赞好
0 留言
竉茜烧卖 (四粒)
$14
33 浏览
0 赞好
0 留言
张贴
