影片
更多
2023-06-23
525 浏览
趁放假同屋企人去食Tea！去咗铜锣湾世贸中心嘅La Vina，Cafe装潢好靓，以莫兰迪色系为主体，配合简单线条设计嘅家俱以及多肉植物花圃，充满异国风情，打卡位好多！La Vina嘅巴斯克芝士蛋糕一直都系招牌名物，最近推出咗日本大热嘅法式千层酥mille feuille sandwich，立即又引起新一番热潮！法式千层酥有6款选择，全部都系双重口味配搭。拣咗焦糖苹果配伯爵茶忌廉 （$108），千层酥皮非常松脆，食嘅时候仲听到咔嚓嘅声音，如果牛油香突出D就更好啦！入面焦糖苹果配伯爵茶忌廉配搭特别，甜度刚刚好，伯爵茶茶香比较淡雅，反而苹果嘅清甜较为丰富，整体甜而不腻，好食！Yuzu Basque Burnt Cheesecake 3" （$60）自己一向都好钟意La Vina嘅原味巴斯克芝士蛋糕，已经多次回购过。第一次试柚子味，估唔到都好有惊喜！芝士味道香浓，口感软滑creamy，带有淡淡柚子嘅清香，酸酸甜甜，大大减低腻感！不愧为La Vina招牌，必点！Strawberry Vanilla Cake ($58)士多啤梨慕丝蛋糕口感香滑，入面加入新鲜士多啤梨果蓉，令味道更有层次！Hot S
La Vina嘅巴斯克芝士蛋糕一直都系招牌名物，最近推出咗日本大热嘅法式千层酥mille feuille sandwich，立即又引起新一番热潮！
法式千层酥有6款选择，全部都系双重口味配搭。拣咗焦糖苹果配伯爵茶忌廉 （$108），千层酥皮非常松脆，食嘅时候仲听到咔嚓嘅声音，如果牛油香突出D就更好啦！入面焦糖苹果配伯爵茶忌廉配搭特别，甜度刚刚好，伯爵茶茶香比较淡雅，反而苹果嘅清甜较为丰富，整体甜而不腻，好食！
Yuzu Basque Burnt Cheesecake 3" （$60）
自己一向都好钟意La Vina嘅原味巴斯克芝士蛋糕，已经多次回购过。第一次试柚子味，估唔到都好有惊喜！芝士味道香浓，口感软滑creamy，带有淡淡柚子嘅清香，酸酸甜甜，大大减低腻感！不愧为La Vina招牌，必点！
Strawberry Vanilla Cake ($58)
士多啤梨慕丝蛋糕口感香滑，入面加入新鲜士多啤梨果蓉，令味道更有层次！
Hot Strawberry Au Lait($46)
热牛奶内加入新鲜士多啤梨果蓉，一层红色，一层白色，层层相间，卖相好靓，系而家韩国cafe比较常见嘅整法！可以选择甜度及牛奶都好细心，不过咁样整味道始终都系无blend埋一齐咁浓，入口较淡，感觉较为健康。
Osmanthus Jasmine Milk Tea ($52)
同样可以选择甜度及牛奶，用上TWG Jasmine Tea，茶味香浓，带茉莉花清香，唔错！
张贴
