米線陣 (已結業)

之前已经有试过米线阵既玩命麻辣米线, 今次自己一条友等朋友, 唔想食咁辣, 就试下新口味。我今次叫左个自选既小辣鸡翼米线, 米线配料有芽菜, 韮菜, 腐皮等, 汤既味道几好几清, 而且都麻辣味都几香, 而鸡翼亦相当入味, 有浓郁既瑞士汁味, 配上麻辣汤底, 亦可起到轻微解辣既作用。 另外想食下菜, 见到餐牌上有个叫「菇菌派对」, 贪新鲜既我当然叫左黎试一试喇! 果然不失所望, 外型特别, 卖相亦相当吸引, 第一种菇有少少辣, 加上有芹菜, 红椒等点缀, 咬落啲菇菌十分爽脆, 口感独特。 而中间个碟就系芝麻拌木耳, 加以wasabi既味道, 口感十分清新, 木耳又系爽爽地, 再加上一粒粒芝麻, 咬落感觉好新鲜, 好清凉! 最后白色个碟就系鸡脾菇, 微咸带少少辣味, 咬落亦十分juicy唔会有唔入味既情况出现, 系好出色既拌菜! 食落好fresh 好想一食再食钟意菇, 菌类或者素食既你地点可以唔试「菇菌派对」! 嗌黎送下个米线, 简直系一级既享受! 另外, 将军澳呢间既员工态度亦十分友善, 装潢都OK, 灯光略嫌有少少暗! 但整体十分不错喔!