就是烤菇 (已結業)

柴湾呢个地方对自己嚟讲都几陌生，因为好少系呢头出没，但系偏偏有位朋友住呢头，唯有跟地头虫揾食。佢带左我去一间小铺，餐厅取名"就是烤菇"。铺头细细，可以放几张小枱系铺前。餐牌食物，却选择好多。法式芝士烟肉烤菇 $29烟肉味香浓，可以盖过菇本身强烈既味道，入口啖啖肉，十分juicy！蒜蓉芝士带子烤菇 $33相比起烟肉烤菇，带子烤菇味道无咁浓，但茹味同芝味更突出。芝士恋上鱿鱼须 $29虽然个名叫芝士恋上鱿鱼须，但感觉好似失左恋咁，因为芝士未能恋上鱿鱼须，芝士味唔突出。不过鱿鱼煮得好爽口，又够香，都几惹味，𩠌酒良伴。名蟹子意粉配龙利柳 $47粒粒蟹子到处可见，真系我意料之外。一般所谓蟹子意粉，只有数粒蟹子，呢度反而落足料。龙利柳切细后更易入口，味道唔错。意粉软硬度适中，入口都几舒服。西班牙沐猪颈肉饭 $42见有辣椒仔图案所以拣佢，果然辣辣地。猪颈肉有少许硬身，饭吸收左辣汁变得惹味，但唔食得辣既朋友就要自己衡量番食唔食到。十分欣赏老板既创意，餐厅取名烤菇，又联想到英文同音字How cool。的确，餐厅主力卖菇，出嚟既菇亦十分cool。计我话，烤菇配How cool，我已分不清是菇还是cool。