菊鮨 (已結業)

难得约到2个好朋友出嚟行街食饭，梗系要揾个靓地方食好西啦～ 知道最近好多KOL朋友都推介铜锣湾呢一间✨菊鮨～ 😁就去试下有几正先～店内装潢走木系风格，有卡位亦有两间VIP房～ 感觉私隐度高～ 一大班朋友嚟开party一定好正～午餐有12款选择～ 刚刚好生熟各6款～ 全部都好吸引😜 谂咗好耐～ 就拣咗以下呢三款：🐔盐烧鸡扒定食采用日本进口鸡扒～ 外皮烧至金黄香脆～ 由于中层脂肪比例唔多，肉质较瘦～ 啱晒注重健康嘅女士们呢～🥚温泉蛋香煎鹅肝饭绝对系邪恶之选！三大块入口即化的肥美鹅肝、再将温泉蛋、炸蒜片、香葱捞埋一齐食，🤭感觉实在太幸福了！🐟丰盛海鲜丼丼如其名，真的很丰盛呢！ 共有7款鱼生（三文鱼、时令鱼两款、牡丹虾、带子、三文鱼籽、拖罗），平时我总会偏爱当中一两款的，呢度全部都咁新鲜好味！尤其系时令炙烧过的金目鲷都好有惊喜呢！全部套餐均附上渍物、沙律、蒸蛋及味噌汤～ 而呢度service都唔错、不时主动添茶～亦有推介餐厅及食材～食完一餐丰富美味嘅lunch绝对可以为忙碌的一天加添乐趣🤗各位铜锣湾出没既朋友仔又多一个好选择啦！