影片
更多
2017-12-13
500 浏览
去得胜利道揾食，喺有选择既情况下都唔会去龙德楼，相信喺附近住或者返工既朋友都会明白。食物质素参差：蒸饭d鸡肉唔新鲜，松散冇鸡味；以前仲有点心𠮶阵，虾饺皮厚虾肉唔新鲜，食过一轮，除左云耳蒸鸡饭之外，真系冇边样系ok。卫生条件差：以前仲有点心𠮶阵，我试过去厕所，见到一大盘马豆糕之类既冻食糕点，就咁摊左喺厕所附近临近洗手盘既位置，又试过食完肚屙（自认玻璃肚，只要有小小唔干净就会嚟料），卫生条件堪忧。由于以上种种原因，作为街坊，都好少再去食，真系想食点心既，宁愿行两步食老点，何况，龙德楼而家都唔做点心。但系今日既经历，真系令我对呢间野彻底死心。中午时间由于其他铺实在太多人排队，我又一枝公，所以谂住求其呢度有位食龙德楼算。入座点左一个腊肠蒸鸡饭一个跟餐炖汤，岂料个汤饮到一半，我喺菜干入面发现一条牙签长度既蚯蚓，咁我就同一个阿姐讲，有蚯蚓㖞（如果知道后事发展，我一定会影相，唉，自认蠢左），然后阿姐就话换过个汤俾我。我就话唔要喇下嘛，帮我喺张单度取消个汤算喇。阿姐话换个菜俾你喇，我话唔要喇，佢话唔系呀送俾你，咁我梗系话要喇，心谂，算你喇，大家好来好去。食完俾钱，个阿叔话76蚊，我话阿姐冇同你讲取消左
食物质素参差：蒸饭d鸡肉唔新鲜，松散冇鸡味；以前仲有点心𠮶阵，虾饺皮厚虾肉唔新鲜，食过一轮，除左云耳蒸鸡饭之外，真系冇边样系ok。
卫生条件差：以前仲有点心𠮶阵，我试过去厕所，见到一大盘马豆糕之类既冻食糕点，就咁摊左喺厕所附近临近洗手盘既位置，又试过食完肚屙（自认玻璃肚，只要有小小唔干净就会嚟料），卫生条件堪忧。
由于以上种种原因，作为街坊，都好少再去食，真系想食点心既，宁愿行两步食老点，何况，龙德楼而家都唔做点心。
但系今日既经历，真系令我对呢间野彻底死心。中午时间由于其他铺实在太多人排队，我又一枝公，所以谂住求其呢度有位食龙德楼算。入座点左一个腊肠蒸鸡饭一个跟餐炖汤，岂料个汤饮到一半，我喺菜干入面发现一条牙签长度既蚯蚓，咁我就同一个阿姐讲，有蚯蚓㖞（如果知道后事发展，我一定会影相，唉，自认蠢左），然后阿姐就话换过个汤俾我。我就话唔要喇下嘛，帮我喺张单度取消个汤算喇。阿姐话换个菜俾你喇，我话唔要喇，佢话唔系呀送俾你，咁我梗系话要喇，心谂，算你喇，大家好来好去。
食完俾钱，个阿叔话76蚊，我话阿姐冇同你讲取消左个汤咩，佢话系呀，换左个菜俾你呀嘛，我话唔系，阿姐话送俾我，然后阿姐过嚟，话唔系，话你唔要个汤，咪话俾碟菜你啰，我话你话送㖞，然后阿姐咦咦哦哦，阿叔话，大家理解唔同，70喇。我直头同佢讲，老细，我以后都唔会再嚟，你咁做生意，真系会越做约少客。
佢答𠮶句先顶瘾：你唔嚟你既事，俾左钱先喇。
我真系唔贪你一碟菜，但系咁做生意真系唔会长做长有啰。
我知冇相，又真系会有机会有人话我打手呀夸大呀乜乜乜，但系其实好简单，你去试下，就知间野乜料。我真系宁愿去胜利小厨俾人西面，都唔会再去呢间无诚信可言既龙德楼。
张贴