申子居酒屋

营业中

休息中

(三重芝士)吉列千层豚肉($228)，见到d芝士已经好震撼，涌晒出黎，长长既拉丝简直极斜邪恶，口感味道方面，豚肉有肉汁唔干身，仲有啖啖浓郁既芝士味，包住豚肉既外层酥皮好脆，配有梅子酱和沙律酱，个人觉得梅子酱比较夹，因为酸酸味味几醒胃，而且有助解除芝士既油腻感。:申子卷($188)，用上三款鱼生制作既卷物，估唔到饭里面包住既系炸鱼皮，鱼皮既脆和鱼生既软，食落一脆一软口感配搭好夹，这个创新食法我好钟意，鱼生味道带点淡，顶层加点鱼子酱带少少咸味，两者混和一齐食就岩岩好。:海胆炒饭($178)，哩个炒饭系必食推介，饭粒粒分明唔会黐埋一旧，带有香喷喷既海胆味，海胆亦用上顶级食材，口感超滑而且冇苦涩味，份量唔算多，但物以罕为贵。:西尾抹茶冻鲜奶($58)，清香既抹茶，唔太苦亦唔太甜，味道适中。