龍門冰室 (已結業)

上个礼拜，住系加拿大嘅堂表哥黎游香港。因为我之前去咗加拿大打搅咗佢一个月，所以今次好尽力咁带佢周围玩希望报答反佢。考虑到佢食野都稍微咀尖，我都唔敢即刻带佢食啲好地道既港式或中式美食。龙门冰室式嘅菜式多元，包括中西式美食，带咗佢去食佢都好满意。首先我地叫左黑椒汁爵士西冷扒香草肠。西冷扒够份量同嫩口，香草肠可口，配黑椒汁食意粉正。系外国食扒大嘅堂哥亦称赞扒同肠都几好。然后系芝士汁鱼柳流心奄列饭。鱼柳够哂大块，奄列蛋亦炒得唔错、唔会老。薯条炸得好靓，钟情加美式快餐薯条嘅堂哥都好钟意。香蒜鸡翼好香好入味！！热杏霜浓厚得黎唔会太甜，堂哥第一次饮感觉几好。红磡龙门冰室虽然唔算大，但系坐位都唔少，坐位间格几舒服、无咩挤迫感，员工都几nice。餐厅多元化嘅菜式适合外国亲友初尝本地餐厅。