素菲亞 (安發大廈) (已結業)

Sofia主打意粉、意大利饭同汉堡包。餐牌上列明边D菜式可走五辛/ 蛋奶，落单时同店员讲声就可以，方便唔同需要嘅朋友。午市套餐头盘－是日餐汤、精选沙律餐汤酸酸哋、有蕃茄味，食到有好细嘅红萝卜粒。主菜－和风玉子芥末照烧牛肉汉堡配薯条 ($148)初头睇到𠮶名和风玉子，以为会系玉子烧之类嘅日式煮法，点先原来系煎太阳蛋。牛肉系用咗未来肉黎整，味道偏咸。配料仲有蕃茄、纯素芝士同生菜。饮品－无糖茉莉花茶 (冻)粟米菠菜阔条面 ($88)其实就系粟米汤阔条面，再加上切段嘅菠菜。表面插上香芋片，不过口感唔太脆口，尤其是沾上酱汁嘅部分。