大公雞 (已結業)

其实本身就只系返工黎食个饭，都系普通入左一间餐厅，无做资料搜集，无太大期望，又无打算写食评。但系，有头发，我就不得不写一写食评黎话下佢。其实出去出边餐厅食饭，我都好少食佢比嘅配住既菜，因为觉得餐厅通常会煮得唔好食。但系今次呢碗饭一拎上黎就发现，有一条头发，连住咗喺条菜入边。虽然我同职员讲咗之后，佢都话会换一碗俾我。但系好老实讲，佢亦都可能只系拎走左条头发，就俾返碗饭我，所以我本着费事麻烦嘅谂法，拎开左条菜就继续食。不过，我一齐食嘅朋友亦都话，佢条菜亦都好污糟，入面一层一层无咩点洗既样。而且其实撇开条菜，佢碗饭都一般般。我点嘅系盐酥鸡卤肉饭。佢嘅盐酥鸡，粉多个鸡，食起嚟个口感好一般，就系好多粉既感觉，差评。