小甜谷 Dessert Kaffee (已結業)

今日同朋友系铜锣湾行街，行行下又出现左一个难题:晚餐食咩?。。。我地系铜锣湾食饭次数太多再加上我系附近返工，去边到食野成为一大难题。近几次我地都揾新餐厅食，做下白老鼠 。虽然今次食小甜谷唔系新，但系刚刚系铜锣湾开既分店有咸食，咁就要试试。鲜榨神奇菠萝汁($55) : 系厨房玻璃柜见到一个个排得好整齐菠萝，开头以为系甜品用。点知原来系菠萝汁，好似一个原整菠萝插左支饮管咁，单单外观都 。味道就唔算太甜，饮得出系新鲜榨，果汁入面仲有D果肉。北海道珍宝带子墨鱼汁意大利面($168) : 意大利面加左橄榄油、香草、洋葱一上台已经好香，因为加左橄榄油食落一d都唔干，味道带有淡淡墨汁同橄榄油味 。不过带子就煎得太干身。鹅肝鸭腿肉牛肝菌意大利饭($158):鹅肝肥美新鲜，意大利饭质地似烩饭，鸭腿肉肉质几滑，加上牛肝菌同饭一齐食几特别。宇治焙茶白玉新地($45)焙茶有少少苦，白玉味道较淡，底部有红豆甜甜地，红豆既甜中和焙茶既苦，一齐食又几好味。