金華冰廳

营业中

休息中

對，佢個招牌菠蘿包近排曾水準下跌。 曾幾何時，佢嘅菠蘿脆皮係焗到香口先出爐，一啖咬落去，無比香脆得嚟啲脆皮係唔會甩的。麵包充滿彈性同麵粉香，一個幾蚊的菠蘿包令人無限滿足。而家，但唔知係咪太好生意，啲包未焗到香口程度就托出嚟賣。客人照吃不誤。唔夠香脆已唔好，最失望是一咬開啲脆皮跌到一枱都係。我曾經想過是因為老師傅離開所以水準不再？定係換左材料供應商？到底係咪要同老闆反映呢？ 老闆（第一代的）應該是對質素有要求的人，睇過一些訪問，知道佢原是相當不屑第二代主張宣傳，覺得自己個包好，有麝自然香，唔駛同人講。一個咁自負的老闆，如果聽到客人的批評，會唔會發惡趕客走呢？最後都是坦白說了。 老闆即話：可能是噴少左水云云。我唔係烘焙專家，聽完就算了，沒有深究。今日再去金華，食完正餐，考慮左好耐叫唔叫個菠蘿包做餐後甜品好。老公說時遲那時快，已買了一個外賣。一咬，水準回勇！包的脆皮咬了多口依然沒有鬆脫，以前的好味道歸位。好慶幸老師傅沒有走，材料沒有換，最重要的是老闆沒有揞埋對耳。