王子冰室 (已結業)

今日去咗新蒲岗王子冰室度 high tea，呢间冰室嘅装修模仿电影院，玩味十足，卡位充裕，座位阔落，令食客坐得舒适及有私人空间。从芸芸嘅美食中，我拣咗王子推介--菠萝油王子，即菠萝包夹住鲜牛油、蕃茄及碎蛋。估唔到食味夹到不得了，鲜油嘅油腻被蕃茄中和。而碎蛋却提升了整个包嘅味道，令人有咸与微甜的味觉感受，我个人认为十分值得推介给亲朋好友。呢款咖喱煎鸡扒饭，睇得出系心机之作，鸡扒煎得够火喉，外脆肉软。咖喱汁够香，伴碟嘅蔬菜有炒过，可见普通嘅快餐，都看出厨子的细心。值得一赞！仲有任何套餐都唔洗加钱可以拣细樽可乐，非常窝心，完全将整个套餐达到极至！讲咗咁耐，食物嘅价钱一D都唔贵，物超所值！唔怪得经常座无虚席。顾客的眼睛永远系雪亮嘅，值得一试！