影片
更多
2018-06-27
62 浏览
附近開左間新泰國菜，一直想試但成日都要排，今天早放，一於食個 early dinner 。新裝修都幾舒服，全店落地玻璃乾淨開掦。門口一隻大蝦夠吸睛。餐牌第一頁有泰文教學，想攞筷子就同待應講 「打劫」；加水可能叫 「嘔血腩」？？笑左 ～～後頁係滿滿的泰菜，好多頁，花多眼亂。抬頭望吓隔離枱個菠蘿炒飯好勁喎，似每枱必叫。招牌菠蘿炒飯配大頭蝦$168賣相一流，肯定要相機食先。上面果兩隻蝦好有份量，加埋串燒波蘿，好有氣勢。大蝦是炸的，啖啖肉但唔夠熟。菠蘿就燒得好甜好好吃。菠蘿𥚃面是滿滿的菠蘿雞肉炒飯，份量很足。炒飯的味道比較淡，因為佢有配肉鬆，辣醬同埋好多不同的調味粉可以調味。Combo 小食拼盤 （小）$52有蔗蝦、越式春卷、魚餅同埋魚蛋球，每款兩件都是$52 咋！真係超抵。全部熱辣辣，蔗蝦好甜，魚餅有魚味，推介金沙咸蛋軟殻蟹米紙卷 $78米紙卷裏面包左芒果、沙律菜、軟殻蟹。另外加咗芒果汁做dressing, 所以芒果味好重，但鹹蛋味就唔太強烈了。軟殻蟹就少少淋左，都ok 既。黃咖哩牛腩$88 配薄餅+$28咖哩好香純，辣得來唔會太刺激。牛腩係碎碎地的，好淋又入味。牛腩好味，配料的薯仔都好入
新裝修都幾舒服，全店落地玻璃乾淨開掦。門口一隻大蝦夠吸睛。
餐牌第一頁有泰文教學，想攞筷子就同待應講 「打劫」；加水可能叫 「嘔血腩」？？
笑左 ～～
後頁係滿滿的泰菜，好多頁，花多眼亂。
抬頭望吓隔離枱個菠蘿炒飯好勁喎，似每枱必叫。
招牌菠蘿炒飯配大頭蝦$168
賣相一流，肯定要相機食先。上面果兩隻蝦好有份量，加埋串燒波蘿，好有氣勢。
大蝦是炸的，啖啖肉但唔夠熟。菠蘿就燒得好甜好好吃。
菠蘿𥚃面是滿滿的菠蘿雞肉炒飯，份量很足。炒飯的味道比較淡，因為佢有配肉鬆，辣醬同埋好多不同的調味粉可以調味。
Combo 小食拼盤 （小）$52
有蔗蝦、越式春卷、魚餅同埋魚蛋球，每款兩件都是$52 咋！真係超抵。全部熱辣辣，蔗蝦好甜，魚餅有魚味，推介
金沙咸蛋軟殻蟹米紙卷 $78
米紙卷裏面包左芒果、沙律菜、軟殻蟹。另外加咗芒果汁做dressing, 所以芒果味好重，但鹹蛋味就唔太強烈了。軟殻蟹就少少淋左，都ok 既。
黃咖哩牛腩$88 配薄餅+$28咖哩好香純，辣得來唔會太刺激。牛腩係碎碎地的，好淋又入味。牛腩好味，配料的薯仔都好入味，咖哩汁用來點薄餅一流。
薄餅暖笠笠，外脆內煙韌，好味推介。
飲品亦好搶鏡，見到不期然要 WoW !
脆爆芒果園 $62
朋友叫的，係芒果沙冰 ＋乳酪，面層仲鋪左爆谷同一粒糯米糍。呢個組合有點前衛，但是口感豐富多重享受。芒果沙冰好fresh 仲好大杯，有排飲。
芭堤雅女郎$52
而我就飲呢杯，外表好型吓。
係菠蘿沙冰，仲有加左香蕉一齊打。果味好濃厚，味道好夾。
食食吓先發現，原來今餐好多餸都係黃色，夠曬清新。呢間好味又抵食，會 encore !
张贴
