影片
更多
2017-03-23
1602 浏览
本来约咗朋友倾嘢，不过，临时被人放飞机，咁一支公都要食饭架，正身处铜锣湾、跑马地交界位，依个吊脚位唔熟，上网查查附近有咩好食，一查就弹出依间茶记，略略睇过啲食评，其中嘅镇店流沙西多士不断洗板。踏入餐厅，比大多数嘅茶记感觉好，唔单环境阔落光猛，无一般茶记挤逼，两边通道宽阔，仲要晌依啲旺区出现，认真少有，所以，舒服好坐，而且干净企理，招呼亦不俗。此外，拉开侧边餐具柜桶，餐具充足排列整齐，平常见唔少茶记做得好「求其」，唔喺无依样就无𠮶样；更提供代糖，又有免费wifi，茶记嚟讲都算少有，依啲都喺增值加分位。咁嚟得茶记又唔喺食环境，食服务，但依几方面做得好，客人点都食得开心啲。不过，最重要都喺啲嘢食得唔得，睇一转餐牌，除唔少茶记惯常出现嘅食物外，亦有唔少自家招牌嘢或特色菜，如烧味系列、铁板系列、石窝小菜、咖喱、焗饭。当然，梗有晚餐供应啦，晚晚不同，每晚有5款选择，基本价喺$78，如拣六福烧味饭则要$128，奉送是日餐汤、火腿沙律及热饮。虽然佢啲流沙西多喺镇店，咁无理由食件西多当晚餐㖞，我都喺钟意茶记啲炒粉饭面，再者，啲碟头嘢可另加钱要汤或饮品，选择具弹性。同埋睇过啲食评，啲是日餐汤及火腿沙律都普
踏入餐厅，比大多数嘅茶记感觉好，唔单环境阔落光猛，无一般茶记挤逼，两边通道宽阔，仲要晌依啲旺区出现，认真少有，所以，舒服好坐，而且干净企理，招呼亦不俗。
此外，拉开侧边餐具柜桶，餐具充足排列整齐，平常见唔少茶记做得好「求其」，唔喺无依样就无𠮶样；更提供代糖，又有免费wifi，茶记嚟讲都算少有，依啲都喺增值加分位。
咁嚟得茶记又唔喺食环境，食服务，但依几方面做得好，客人点都食得开心啲。不过，最重要都喺啲嘢食得唔得，睇一转餐牌，除唔少茶记惯常出现嘅食物外，亦有唔少自家招牌嘢或特色菜，如烧味系列、铁板系列、石窝小菜、咖喱、焗饭。
当然，梗有晚餐供应啦，晚晚不同，每晚有5款选择，基本价喺$78，如拣六福烧味饭则要$128，奉送是日餐汤、火腿沙律及热饮。
虽然佢啲流沙西多喺镇店，咁无理由食件西多当晚餐㖞，我都喺钟意茶记啲炒粉饭面，再者，啲碟头嘢可另加钱要汤或饮品，选择具弹性。同埋睇过啲食评，啲是日餐汤及火腿沙律都普普通通，单点个炒粉面加杯热饮比叫晚餐仲划算，哈哈！
马来炒贵刁 $58𠮶时去马拉，当地都有唔少熟食档，都几钟意食当地嘅炒粿条，口感似河粉，但韧性强啲。贵刁就即喺粿条，碟贵刁份量十足，有爽口嘅虾仁、叉烧（干韧咗啲）、炒蛋，颇足料，但少咗惯常会有嘅火腿，下洋葱、韮黄、银芽，但个人就嫌青椒稍多；话就话贵刁，但多数都喺用埋河粉，难得无炒至断断碎碎，而且沾满黄咖喱，又炒得均匀，师傅炒功不俗。
热奶茶 +$5去咖啡店饮鲜奶咖啡喺小弟不二之选，嚟到茶记饮港式奶茶梗喺小弟嘅铁胆之选。滚热嘅奶茶，入口感觉茶底不俗，够茶香，但丝滑度未够完美，饮落稍欠一种圆滑感。
合桃露（晚饭免费送）点餐时被店员问食咩糖，已有少少奇怪，但睇匀餐牌唔见有糖水一栏，再问清楚，原来嚟食晚饭都会免费送中式糖水一客，是晚就有红豆沙或合桃露。咁免费嘢我都唔敢有太多要求，而碗合桃露算有合桃香味，却少少偏稀，只可以讲不过不失，但较大问题喺滔出来已见有少少凝结咗嘅浆块，虽然唔喺咩大问题，其实可以处理得好啲。
是次偶然到访，其实感觉唔错，尤其环境及服务方面，食物只喺试咗少少嘢，水准算喺不俗，但仍有改善空间，始终喺茶记，唔会要求特别多。
张贴
