影片
更多
2014-03-28
4144 浏览
适逢三八妇女节，美籍旧同学AK仔专程来港诚邀我地一家及另外两位好友参加佢地即将于布吉举行o既婚礼。AK仔对食同感情一样，好专一 ，只爱吃牛扒、鸡翼、同pizza；佢黎过香港几次，小肥亦带过佢去不同餐厅觅食，当中佢最钟情华商会所西餐部o既鸡翼，所以今次同未婚妻黎宣布喜讯肥肥家族特意为佢选择黎返华商。华商会所位于中环，交通非常方便，除咗火车之外，真系搭乜车都到。虽然一入大厦必先行落楼梯，不过唔知系咪华商会员中，年长人仕较多，亦有行动不便者，所以楼梯旁设有外置电动带，运送会员或其他客人上落，非常周到 ；因装置要预先充电，所以有需要人仕要一早向会所人员提出要求。华商会所共七层，只招待会员，其中十楼全层为会所之西餐部，有独立厨房，水吧同伙计。华商个西餐部好阔落，应该系近几年装修过，地毯都仲好干净，小肥尤其欣赏𠮶啲cushion櫈，够新净又舒适 。据大肥爸爸所讲，华商午市时段无论系中餐定西餐都好爆，不过夜晚西餐部就好静，我地𠮶晚系唯一一枱客，可以话系免费包场为一对新人庆祝 ！负责十楼o既祥仔只为我地一枱服务，可称得上系随传随到，有求必应，而且服务细心，令大家都食得开心又放心！因为要等一对例
华商会所位于中环，交通非常方便，除咗火车之外，真系搭乜车都到。虽然一入大厦必先行落楼梯，不过唔知系咪华商会员中，年长人仕较多，亦有行动不便者，所以楼梯旁设有外置电动带，运送会员或其他客人上落，非常周到 ；因装置要预先充电，所以有需要人仕要一早向会所人员提出要求。华商会所共七层，只招待会员，其中十楼全层为会所之西餐部，有独立厨房，水吧同伙计。
华商个西餐部好阔落，应该系近几年装修过，地毯都仲好干净，小肥尤其欣赏𠮶啲cushion櫈，够新净又舒适 。据大肥爸爸所讲，华商午市时段无论系中餐定西餐都好爆，不过夜晚西餐部就好静，我地𠮶晚系唯一一枱客，可以话系免费包场为一对新人庆祝 ！负责十楼o既祥仔只为我地一枱服务，可称得上系随传随到，有求必应，而且服务细心，令大家都食得开心又放心！因为要等一对例牌迟到o既新人，长期性肚饿o既大肥就先叫咗几款小食黎送酒，人齐先各知叫食物。
一口牛柳配洋葱炒薯仔（$63）：一口一粒o既牛柳肉质松软，配菜o既洋葱同薯仔爽脆野味，而且唔会太油腻，好啱送酒 。
椒盐鸡软骨（$57）：细细粒o既鸡软骨炸得好够干身，椒盐味恰到好处，整体非常香脆，正！
是日餐汤之忌廉粟米汤：简单o既忌廉粟米汤香滑清甜，一啲都唔杰唔溜，粟米粒亦好爽，餐汤黎讲真系好合格 。
蜜汁厚切牛脷心扒（$138，套餐包有餐包、餐汤、主菜、甜品及咖啡或茶）：小弟都系第一次见到咁大咁厚o既牛脷 ，唔怪得知依味主菜会名为牛脷扒啦！样哥仔真系冇介绍错，超厚o既牛脷心扒肉质软熟，腍中带爽，以甜甜o既蜜汁作调味非常夹 。
是日甜品之蛋糕：蛋糕唔甜，不过就干咗少少。
特浓咖啡：华商会所部咖啡机就喺我地面前，香浓o既咖啡即叫即制够哂热。
蜜汁鸡中翼（$63/半打）：AK仔话华商会所西餐部o既鸡翼系佢喺香港食过最好食o既，佢自己一个人食咗七客，即42只 ，认真唔讲得笑！华商会所只招待会员，物业权为华商所拥有，所以无租务上o既负担，中菜食物价格方面出名有良心，不过会员们就觉得西餐部偏贵，因此好少帮衬。西餐部为十楼全层，灯光较其他层暗，会员可选择播放电视或柔和o既背景音乐，OK有情调。因食客不多，好多时都会出现免费包场o既情况，享有单对单贴身服务，地方亦变得一啲都唔嘈吵，而且超级宽敞，仲有中环夜景睇，气氛真系好唔错 ！会所冇加一，亦冇收其他开瓶费或切饼费，食物质高且份量足，虽然唔讲得上系什么高级餐厅，不过地方比出面茶餐厅或廉价西餐厅舒适优雅得多，服务亦明显地更胜一筹，所以百几蚊一个晚市套餐，有餐包、餐汤、主菜、甜品及咖啡或茶，都还可以接受，如果平啲当然系最好啦 ，相信客人数目都会多返啲！
题外话/补充资料：
平时黎华商都系打牌多，三枱麻雀啱啱好一围，所以例必食中餐。哈，翻查记录先知自己从未为华商中菜部写过食评，下次黎食饭时如果唔洗打牌一定要写一编，推介会中各款美食给大家！
(以上食记乃用户个人意见 , 并不代表OpenRice之观点。)
张贴
