岱民華明店

营业中

休息中

我帮衬咗岱民咁耐时间，我认为华明商场𠮶间岱民，应该系岱民全线旗下嘅分店最好嘅一间……因为我今日已经去咗岱民嘅华明店，一入到店内就已经觉得个环境好似打仗咁款🤣，原因系入面唔系好似其他分店咁每个人都排队购物，而系根本乱哂大龙，啲客人喺我身边不停左穿右插🤣，目的系希望可以尽快买到自己想食嘅𩠌菜。岱民华明店真系有好多小菜款式，我有好细心睇过，应该有二十几款小菜左右，真系多到黐肺……🤣而且又好多都系属于超水准嘅小菜，例如梅菜扣肉、咸蛋蒸肉饼、镇江骨等，认真超水准！而家详列一次究竟岱民华明店有咩嘢小菜款式啦……咸蛋蒸肉饼、炸鸡中翼、卤水鸡中翼、粟米斑块、芙蓉蛋、葱花蒸水蛋、香煎肉饼、虫草花蒸鸡、镇江骨、咕噜肉、椒盐猪扒、酸菜炆大肠、青炒椰菜花、鱼香茄子、罗汉斋、九转肥肠、梅菜扣肉、红烧狮子头、蕃茄炒蛋、炒大豆芽、炒菜心、凉瓜炒牛肉、咖喱鸡、蒸鲩鱼腩、炒四季豆等等。岱民华明店嘅小菜质素真系非常之高，就算要长途跋涉入到去粉岭都要帮衬。